Bakı. Samir Əli - Trend:
Bakıda iki nəfər dənizdə boğulub.
Trend-in məlumatına görə, hadisə Sabunçu rayonu, Bilgəh qəsəbəsindəki çimərlikdə baş verib.
Bilgəh qəsəbəsi, 12-ci dalan nömrəsiz evdə yaşayan, 1998-ci il təvəllüdlü Qasımzadə Tağı Natiq oğlu və Nəsimi rayonu, 28 may küçəsi, ev 15, mənzil 11-də yaşayan Rəsulzadə İlham Tofiq oğlu dənizdə çimərkən boğulublar. Xilasedicilərin səyi nəticəsində T.Qasımzadə xilas edilsə də, İ.Rəsulzadənin meyitinin axtarışları davam etdirilir.
X X X
Fövqəladə Hallar Nazirliyi Bigəh qəsəbəsində çimərlikdə baş vermiş batmaq hadisəsi ilə bağlı rəsmi məlumat yayıb.
Məlumatda deyilir:
"14.07.2019-cu il tarixində Bakı şəhəri, Sabunçu rayonunun Bilgəh qəsəbəsində, dənizdə, qeyri-çimərlik ərazidə (nəzarətsiz) batdığı ehtimal olunan 1987-ci il təvəllüdlü Rəsulzadə İlham Tofiq oğlunun axtarışları davam etdirilir. Axtarışlara Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin 14 nəfər şəxsi heyəti və 3 texnikası cəlb olunub".
Trend-in ən mühüm və maraqlı xəbərlərini "Telegram"da izləyin
