...

Lerikdə evin üstünə qayalar aşıb - İcra Hakimiyyəti (VİDEO)

Cəmiyyət Materials 7 Mart 2020 12:35 (UTC +04:00)
Bu gün səhər saatlarında Lerikin Çayrud kəndində uçan evin üzərinə dağdakı qayalıqlar və böyük torpaq kütləsi düşüb.
Lerikdə evin üstünə qayalar aşıb - İcra Hakimiyyəti (VİDEO)

Trend-i buradan izləyin

Bakı. İlhamə İsabalayeva – Trend:

Bu gün səhər saatlarında Lerikin Çayrud kəndində uçan evin üzərinə dağdakı qayalıqlar və böyük torpaq kütləsi düşüb.

Bunu Trend-ə Lerik Rayon İcra Hakimiyyətinin başçısının müavini Habil Məlikov deyib.

Onun sözlərinə görə, dağın yamacında 2014-cü ildə inşa edilən iki mərtəbəli evdə yaşayan 4 ailə üzvü dağılmış evin qalıqları altında qalıb:

"Evin ikinci mərtəbəsi tamamilə dağılıb. Hadisə nəticəsində bir nəfər dünyasını dəyişib. Qalan 3 nəfəri xilas etmişik. Həmin şəxslər kiçik xəsarətlər alıblar, müayinə edilib evə buraxılıblar".

H.Məlikov uçan evin sürüşmə ərazisində tikilmədiyini də söyləyib:

"İndiyədək bu kənddə belə hal qeydə alınmayıb. Uçan evin yaxınlığında 1950-60-cı illərdə tikilən evlər də var.

Ekologiya və Təbii Sərvətlər Nazirliyinin mətbuat katibi İradə İbrahimova Trend-ə bildirib ki, nazirliyin mütəxəssisləri araşdırma və monitorinq aparmaq üçün rayona ezam olunublar.

Məqalədə:
Xəbər lenti

Xəbər lenti