...

ADU-nun Konfutsi İnstitutu həkimlərə dəstək layihəsi keçirir

Cəmiyyət Materials 26 May 2020 16:59 (UTC +04:00)
ADU-nun Konfutsi İnstitutu həkimlərə dəstək layihəsi keçirir

Bakı. Trend:

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu pandemiyaya qarşı mübarizə aparan Azərbaycan və Çin həkimlərinə dəstək məqsədilə "Çinin ənənəvi musiqisi" adlı onlayn-layihənin reallaşdırılmasını davam etdirir.

Trend-in məlumatına görə, ADU-nun çinşünaslıq ixtisası üzrə təhsil alan tələbələri Şəbnəm Məmmədova və Nuranə Seyidəliyeva növbəti konsert proqramı çərçivəsində məşhur Çin mahnılarını ifa ediblər. Onlar həmçinin tarixi ənənələri, quruluşu, xüsusi mövzuları, obrazları və janrları olan Çin xalq mahnılarının müxtəlifliyi və bədii məziyyətlərindən danışıblar.

ADU-nun Konfutsi İnstitutunun direktoru Rafiq Abbasov Azərbaycan-Çin musiqi əlaqələrinin tarixindən danışaraq, Heydər Əliyev Fondunun və Xarici Ölkələrlə Dostluq üzrə Çin Xalq Assosiasiyasının təşkil etdiyi Azərbaycan incəsənət ustalarının Çində konsertlərinin keçirildiyini xatırladıb.

ADU-nun tələbələrinin çıxışlarından ibarət canlı yayımlar eyni zamanda Konfutsi İnstitutunun “facebook” səhifəsində də təqdim edilib.

Məqalədə:
Xəbər lenti

Xəbər lenti