Bakı. Trend:
04.08.2020-ci il tarixində Xaçmaz Rayon İcra Hakimiyyətinin başçısı Elnur Rzayev Şəhidlər Xiyabanında aparılan abadlıq quruculuq və təmir işləri ilə yerində tanış olub.
İcta hakimiyyətindən Trend-ə bildirilib ki, vətənimizin müstəqilliyi və sərhədlərimizin bütövlüyü uğrunda canlarını fəda etmiş şəhidlərimizin xatirəsini əbədiləşdirən Şəhidlər Xiyabanında əsaslı təmir işləri aparılır və mövcud məkan yenidən qurulur.
Xaçmaz Rayon İcra Hakimiyyətinin başçısı Elnur Rzayev fəaliyyətə başladığı ilk gündən şəhid ailələrinə xüsusi diqqət ayırması və onların problemləri ilə yaxından maraqlanması ilə yanaşı rayon ərazisində yerləşən Şəhidlər Xiyabanında da yenidənqurma işlərinə başlanıldı. Rayon əhalisi tərəfindən böyük ehtiram göstərilən Şəhidlər Xiyabanı əsaslı şəkildə təmir edilərək yenidən qurulur və ərazidə təmir-bərpa işləri aparılır.
Elnur Rzayev təmir aparılan əraziyə gedərək, Şəhidlər Xiyabanının ən yüksək səviyyədə abadlaşdırilması məqəsdilə tapşırıqlar verib. Xiyabanda təmir-bərpa işləri tam başa çatdıqdan sonra yeni yaşıllıqlar salınacaq, ağac və gül kolları əkiləcəkdir.
Bu gün ölkənin hər bir yerində bu istiqamətdə gedən əsaslı yenidənqurma işləri dövlət Başçısı cənab İlham Əliyev tərəfindən şəhidlərimizə və onların ailələrinə göstərilən diqqətin bariz nümunəsidir.