Bakı. Trend:
Xəbər verildiyi kimi, ali təhsil müəssisələrinin və Azərbaycan Milli Elmlər Akademiyasının magistratura səviyyəsinə qəbul olunmuş şəxslərin elektron qeydiyyat prosesi iyulun 26-da başa çatıb.
Bakı Slavyan Universitetinin (BSU) Mətbuat və informasiya şöbəsindən Trend-ə verilən məlumata görə, 2021-2022-ci tədris ilində universitetə ali təhsilin magistratura səviyyəsinə 13 ixtisas, 23 ixtisaslaşma üzrə 112 nəfər qəbul olunub. Ümumilikdə BSU-da ali təhsilin magistratura səviyyəsi üzrə qəbul birinci mərhələdə 86 faiz təşkil edib.
Qeyd etmək lazımdır ki, BSU-da ali təhsilin magistratura səviyyəsində müasir əmək bazarı üçün tələb olunan ixtisaslar tələbələrin seçiminə verilib.BSU rəhbərliyinin dəstəyi ilə Magistratura şöbəsinin əməkdaşları tərəfindən magistrantların onlayn formada qeydiyyatı çevik və mütəşəkkil təşkil edilib.