...

Bakı metrosunda qatar tuneldə dayandırılıb: qapıya müdaxilə olub

Cəmiyyət Materials 25 Noyabr 2021 10:03 (UTC +04:00)
Bakı metrosunda qatar tuneldə dayandırılıb: qapıya müdaxilə olub

Bakı. Çingiz Səfərli - Trend:

Səhər saatlarında metronun “Cəfər Cabbarlı” və “Şah İsmayıl Xətai” stansiyaları arasında hərəkət edən qatar tuneldə dayanıb.

"Bakı Metropoliteni" QSC-nin mətbuat katibi Bəxtiyar Məmmədov Trend-ə açıqlamasında bildirib ki, buna səbəb qapılardan birinə müdaxilə edilməsi olub.

“Maşinistlər vaqonlardan birinin qapısının ətalətliyinin pozulması ilə bağlı siqnal alıblar. Təlimata uyğun olaraq qatar dayandırılıb. Ola bilər ki, sıxlıq olub və sərnişinlərin söykənməsi nəticəsində, yaxud vaqona minərkən paltarının qapı arasında qalması səbəbindən bu hal pozulub. Məsələ araşdırılır. Dayanma sadəcə 40-45 saniyə çəkib. “Bakı Metropoliteni”nin təlimatında göstərilib ki, 1 dəqiqəyə qədər yubanma olarsa, bu yubanma sayılmır. Yəni, onu kompensasiya etmək mümkündür”, - deyə qurum rəsmisi bildirib.

Twitter: @cingizsafarli

Məqalədə:
Xəbər lenti

Xəbər lenti