...

Mingəçevirdə ictimai nəqliyyatda karantin qaydalarına əməl olunmasıyla bağlı reyd keçirilib (FOTO)

Cəmiyyət Materials 4 Fevral 2022 08:26 (UTC +04:00)
Mingəçevirdə ictimai nəqliyyatda karantin qaydalarına əməl olunmasıyla bağlı reyd keçirilib (FOTO)

Trend-i buradan izləyin

Bakı. Trend:

Mingəçevir Şəhər Polis Şöbəsinin Dövlət Yol Polisi Bölməsinin əməkdaşları karantin rejimi ilə əlaqədar ictimai nəqliyyatda reyd keçiriblər.

DİN-in Mətbuat Xidmətinin Şəki regional qrupundan Trend-ə verilən məlumata görə, reyd zamanı ictimai nəqliyyatdan istifadə edən şəxslərlə izahedici söhbətlər aparılıb. Keçirilən tədbirlər nəticəsində ictimai nəqliyyatda tənəffüs yollarını qoruyan fərdi vasitələrdən istifadə etməyən sərnişinlər, eləcə də sürücülər polis əməkdaşları tərəfindən müəyyən olunublar. Onlar avtobuslardan düşürülüb və barələrində inzibati tənbeh tədbirləri görülüb.

Həmçinin, COVID-19 pasportu olmadan sərnişindaşıma fəaliyyəti ilə məşğul olan, taksilərdə şəffaf arakəsmələr quraşdırmayan sürücülər saxlanılıb. Həmin şəxslərin barəsində İnzibati Xətalar Məcəlləsinin müvafiq maddəsi ilə protokol tərtib olunaraq məsuliyyətə cəlb ediliblər.

Ümumilikdə, keçirilən reydlər zamanı qaydalara riayət etməyən 16 nəfər cərimələnib.

Məqalədə:
Xəbər lenti

Xəbər lenti