...

Eldar Əzizov Keşlə sakinlərinin problemlərinin araşdırılmasına tapşırıq verib (FOTO)

Cəmiyyət Materials 14 Aprel 2022 10:48 (UTC +04:00)
Eldar Əzizov Keşlə sakinlərinin problemlərinin araşdırılmasına tapşırıq verib (FOTO)
Samir Əli
Samir Əli
Bütün xəbərlər

Bakı. Trend:

Azərbaycan Prezidenti cənab İlham Əliyevin dövlət qurumları rəhbərlərinin yerlərdə əhali ilə görüşlərinin keçirilməsi ilə bağlı tapşırığına uyğun olaraq Bakı Şəhər İcra Hakimiyyətinin başçısı Eldar Əzizovun Nizami rayonu Keşlə qəsəbəsinin sakinləri ilə görüşü olub.

Bakı Şəhər İcra Hakimiyyətinin Mətbuat Xidmətindən Trend-ə verilən məlumata görə, sakinlərin problemlərinin öyrənilməsi və aradan qaldırılması məqsədilə təşkil olunan görüşdə Bakı Şəhər İcra Hakimiyyətinin başçısı ilə yanaşı Nizami Rayon İcra Hakimiyyətinin başçısı Coşqun Cəbrayılov, Bakı şəhərinin və Nizami rayonunun bütün təsərrüfat və digər xidmət sahələrinin rəhbərləri iştirak edərək 200 nəfər Keşlə sakininin müraciət və təkliflərini dinləyiblər.

Görüşdə çıxış edən Bakı Şəhər İcra Hakimiyyətinin başçısı Eldar Əzizov bildirib ki, inkar edilməz faktdır ki, bu gün keçmiş Sovet İttifaqının tərkibində olan 15 müttəfiq respublikadan yalnız Azərbaycanda inkişaf vardır. Torpaqlarımız azad edilib, ölkədə sabitlik hökm sürür, bütün sahələrdə inkişaf gedir. Bütün bunlar ölkə başçısı cənab İlham Əliyevin dahi intellekti və müdrik siyasətinin nəticəsidir ki, onların da kökündə tarixdə şəxsiyyət faktoru, İlham Əliyev fenomeni dayanır.

Sonra Nizami Rayon İcra Hakimiyyəti başçısının Keşlə qəsəbəsi üzrə nümayəndə əvəzi Anar Ağayev qəsəbədə görülmüş işlərlə bağlı hesabat verdi.

“Açıq mikrofon” formatında, maraqlı dialoq şəklində və sakinlərin böyük fəallığı ilə keçən görüşdə çıxış edən 40 nəfərə qədər qəsəbə sakini Bakı şəhərində, eyni zamanda, Keşlə qəsəbəsində görülən işlərə, onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını bildirib, dövlətimizin başçısının həyata keçirdiyi siyasi kursa birmənalı dəstək ifadə ediblər.

Gürüş zamanı sakinlərin müraciət və təklifləri ilə bağlı müvafiq tapşırıqlar verildi. Bütün müraciət və təkliflər nəzarətə götürüldü.

Məqalədə:
Xəbər lenti

Xəbər lenti