Bakı. Trend:
Bu il ərzində Azərbaycanda ölüm səviyyəsi azalıb.
Bu barədə Trend-ə Dövlət Statistika Komitəsindən məlumat verilib.
Qeyd edilib ki, cari ilin yanvar-aprel ayları ərzində ölkədə 23748 ölüm halı qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə ölüm səviyyəsi azalaraq 8,0-dan 7,2-yə düşüb.
Qeyd olunan müddət ərzində isə ölkə üzrə doğulan körpələrin sayı 40036 təşkil edib. Ötən ilin müvafiq dövrü ilə müqayisədə əhalinin hər 1000 nəfərinə bu göstərici dəyişməyərək eyni səviyyədə (12,1) qalıb.
Doğulanlar arasında oğlanların xüsusi çəkisi 53,2 faiz, qızların
xüsusi çəkisi isə 46,8 faiz
olub. Körpələrdən 1144-ü əkiz, 60-ı isə üçəm doğulanlardır.