Bakı. Trend:
Beynəlxalq Avtomobil Federasiyasının (FIA) Baş Assambleyasının növbəti iclası dekabrın 8-də Bakıda keçiriləcək.
Trend xəbər verir ki, bu barədə FIA-nın saytında yerləşdirilən məlumatda deyilir.
Məlumata əsasən, ötən gün (22 iyun - red.) Kordovada Beynəlxalq Avtomobil Federasiyasının fövqəladə Baş Assambleyaları keçirilib.
Qeyd edilir ki, FIA-ya üzv klublar səsvermə prosesində iştirak ediblər və Birləşmiş Krallığın Avtomobil Assosiasiyasının FIA-da üzvlüyünün bərpası da daxil olmaqla bir neçə təklifi təsdiq ediblər.
Beynəlxalq Avtomobil Federasiyanın (FIA) prezidenti, ralli üzrə keçmiş pilot Mohammed Əhməd bin Sulayem Böyük Britaniyanın yenidən FİA-ya qoşulmasını alqışlayıb.
"Bu gün sizi fürsətdən istifadə edərək Birləşmiş Krallığın Avtomobil Assosiasiyasını FIA ailəsində salamlamağa dəvət etmək istərdim. Sayımız artdıqca Federasiyamız güclənir", - deyə o bildirib.