Bakı. Trend:
Doğma sakinləri ilə birlikdə Ağdərə rayonunun Talış kəndində el adət-ənənələrimiz yenidən çiçəklənir.
Dövlət Şəhərsalma və Arxitektura Komitəsindən Trend-ə verilən
məlumata görə, uzun illərdən sonra bu il sakinlər Yel çərşənbəsini
əzəli torpaqlarında böyük coşqu ilə qeyd ediblər.
Xatırladaq ki, 2023-cü ilin mart ayında “Böyük Qayıdış” Proqramı
çərçivəsində Talış kəndinə 20 ailə (91 nəfər) köçürülüb və hazırda
kəndin yenidən qurulması istiqamətində işlər davam etdirilir.
Köçürülmə planının ikinci mərhələsində 158 ailə Talış kəndinə
qayıdacaq.
Bu günə qədər kənddə 20 ev, 10 qeyri-yaşayış obyekti bərpa edilərək yenidən qurulub. İnzibati bina və uşaq bağçası əsaslı təmir olunub, 78 şagird yerlik məktəb binası da bərpa edilib.