Bakı. Trend:
Bu gün Birinci Qarabağ Müharibəsində şəhid olmuş Abbasov Elməddin Şirxan oğlunun nəşi ailəsinə təhvil verilib.
Trend xəbər verir ki, şəhidin qardaşı İntiqam Abbasov qardaşının nəşini Səhiyyə Nazirliyinin Patoloji Anatomiya Birliyindən təhvil alaraq yaşadıqları evə gətirilib.
Şəhidlə vida mərasimi Sumqayıt şəhərindəki ailə evlərində keçirilib və dəfn olunub.
Qeyd edək ki, vida mərasimindən sonra şəhid Abbasov Elməddin Şirxan oğlu Sumqayıt şəhər Şəhidlər Xiyabanında torpağa tapşırılıb.
Fotolar: Seymur İsmayılov
