Bakı.Trend:
Azərbaycan orta internet sürətinə görə 2021-ci ildən sonra 154 ölkə arasında 30 pillə irəliləyib.
Trend xəbər verir ki, bunu “Onlayn Azərbaycan” Rəqəmsallaşmada yeni mərhələ” adlı tədbirdə “Aztelekom” MMC-nin Baş direktor vəzifəsini icra edən Həsən Ömərov deyib.
O qeyd edib ki, bununla ölkəmiz 91-ci pilləyə yüksəlib.
“BMT-nin Elektron Hökumət İnkişaf İndeksində isə Azərbaycan 1 il ərzində 9 pillə irəliləyərək 193 ölkə arasında 74-cü yerə yüksəlib. Azərbaycan ölkə tarixində ən yüksək göstərici olan 0,76 xal toplayaraq ilk dəfə rəqəmsal idarəçilik reytinqində ən yüksək kateqoriyaya daxil olub”, - H. Ömərov qeyd edib.