Avropa İnsan Hüquqları Məhkəməsinə Azərbaycan hökumətinə qarşı daxil olmuş 982 şikayət ərizəsindən 617-si rədd edilib. Bu barədə Trend ə Avropa Şurasının Bakıdakı İnformasiya Bürosunun rəhbəri İlqar İbrahimli məlumat verib.
"Yeni müraciətlərin sayı 149-dur. Bu şikayətlərə hələ baxılmayıb. 197 şikayət ərizəsi hazırda araşdırılır, 17 şikayətlə bağlı danışıqlar aparılır, 2 şikayət ərizəsi isə baxılmaq üçün qəbul olunub" - deyə İ.İbrahimli bildirib.
İnformasiya Ofisinin rəhbəri şikayətlərin əsasən Avropa Şurası Konvensiyasının 6-cı maddəsi (Ədalətli məhkəmə araşdırması) ilə bağlı olduğunu söyləyib.
