Təxminən 50 şirkət oktyabrın 1-də Bakı biznes mərkəzində keçiriləcək daxili turizm sərgisində iştirak edəcək. Azərbaycanın Gənclər, İdman və Turizm Nazirliyinin Turizm Baş İdarəsinin rəis müavini Xanoğlan Güləliyevin Trend ə bildirdiyinə görə, sərginin keçirilmə tarixi beynəlxalq turizm gününə təyin olunub.
Sərginin təşkilatçısı Gənclər, İdman və Turizm Nazirliyidir. 50-yə yaxın yerli turizm şirkəti, bu sahədə fəaliyyət göstərən otellər və mehmanxanalar tədbir iştirakçılarına öz xidmətlərini və işgüzar imkanlarını təqdim edəcək.