ADP sədri Rəsul Quliyevin qardaşı oğlu Etibar Quliyevin işi üzrə ibtidai istintaq yekunlaşıb və materiallar məhkəmə baxışına göndərilib. Bu barədə Trend ə E.Quliyevin vəkili Osman Kazımov məlumat verib.
Qeyd edək ki, Etibar Quliyev oktyabrın 17-də əmisi Rəsul Quliyevi qarşılamaq üçün hava limanına gedərkən polis işçilərinə müqavimət göstərib. O, əvvəlcə DİN Baş Cinayətkarlıqla Mübarizə İdarəsinə aparılıb. Barəsində 3 aylıq həbs-qətimkan tədbiri seçildikdən sonra isə Şüvəlandakı 3 saylı İstintaq Təcridxanasına köçürülüb.