Azərbaycan Demokrat Partiyası (ADP) sədrinin birinci müavini, "Azadlıq" blokunun 9 saylı Binəqədi ikinci seçki dairəsindən namizədi Sərdar Cəlaloğlunun Ali Məhkəmənin qərarından şikayəti noyabrın 21-də Konstitusiya Məhkəməsinə təqdim olunub. Bu barədə Trend ə S.Cəlaloğlunun vəkili Qurban Məmmədov məlumat verib.
O, bildirib ki, bir neçə gündür Ali Məhkəmənin qərarının surətini ala bilmirdi. Şiyakətin Konstitusiya Məhkəməsinə noyabrın 21-də verməyinin səbəbi də Ali Məhkəmənin qərarı gecikdirməsi ilə bağlıdır. Q.Məmmədov şikayətdə Mərkəzi Seçki Komissiyasının (MSK) 9 saylı Binəqədi ikinci seçki dairəsinin nəticələrini ləğv etməsi barədə qərarının qüvvədən salınmasını və həmin dairədə S.Cəlaloğlunun qalib elan olunmasını tələb edir.
Qeyd edək ki, bu iddianı Apellyasiya və Ali Məhkəmə təmin etməmişdi. Buna görə də yerli məhkəmə sisteminin son instansiyası olan Konstitusiya Məhkəməsinə şikayət verilib.