Martın 31-də Yunanıstanda Qara dəniz iqtisadi əməkdaşlıq Təşkilatının (QDİƏT) üzvü ölkələrin turizm nazirlərinin növbəti iclası keçiriləcək. Bu barədə Trend ə təşkilatın katibliyində bildirilib.
Görüşdə təşkilatın üzvü ölkələrin turizm nazirləri QDİƏT üzvü ölkələrinin əməkdaşlığının inkişafı prioritetlərini müzakirə edəcək, prioritetlərin əhəmiyyətini müəyyən edən Rodos bəyannaməsinə baxacaq.
Görüşdə təşkilata daxil olan bütün 11 dövlətin - Albaniya, Ermənistan, Azərbaycan, Bolqarıstan, Yunanıstan, Gürcüstan , Moldova, Rumıniya, Türkiyə, Ukrayna və Rusiya nazirlərinin iştirakı planlaşdırılır.
Görüşdə Azərbaycanı turizm naziri Əbülfəz Qarayevin təmsil edəcəyi gözlənilir. Görüşdən öncə turizm üzrə İşçi qrupunun iclası keçiriləcək.
