...

Hakimlər Assosiasiyası hakimlərin fəaliyyətindəki nöqsanların aradan qaldırılması üçün tədbirlər planı hazırlayıb

Cəmiyyət Materials 4 Fevral 2006 13:37 (UTC +04:00)

Azərbaycan Respublikası Məhkəmə Hakimlərinin Assosiasiyası və Azərbaycanda İxtisaslaşdırılmış Hakimlərin Asossiasiyası hakimlərin fəaliyyətindəki nöqsanların aradan qaldırılması üçün tədbirlər planı hazırlayıb. Trend xəbər verir ki, bu tədbirlər planı fevralın 4-də hər iki Asossasiyanın birgə keçirdiyi dəyirmi masada müzakirə olunub.

Azərbaycan Respublikası Məhkəmə Hakimlərinin Assosasiyası sədri Ələddin Cəfərov toplantı iştirakçılarının nəzərinə çatdırıb ki, Prezident İlham Əliyevin 19 yanvar 2006-cı il tarixdə imzaladığı "Azərbaycan Respublikasında məhkəmə sisteminin müasirləşdirilməsi və bəzi qanunvericilik aktlarına əlavələr və dəyişikliklər edilməsi haqqında" fərman məhkəmələrin fəaliyyətində müsbətə doğru böyük əhəmiyyət kəsb edir. Toplantıda iştirak edən hakimlər fərman ətrafında müzakirələr aparıblar.

Qeyd olunub ki, kütləvi informasiya vasitələrində süründürməçilik və qeyri-qanuni qərarlar çıxarılması ilə bağlı hakimlərin ünvanına söylənilən haqlı iradlar da hakimlərin fəaliyyətinin bir daha qiymətləndirilməsni tələb edir.

Sonra səslənən problemlərin səbəbləri araşdırılıb və bu problemlərin aradan qaldırılması üçün bir sıra təklifldər irəli sürülüb.

Hakimlər həmçinin regional məhkəmələrin yaradılması ilə əlaqədar da öz fikirlərini bildiriblər. Qeyd olunub ki, bu, regionlarda yaşayan əhalinin iqtisadi-sosial vəziyyətinin yaxşılaşdırılmasına, onların bir sıra maddi və mənəvi baxımdan problemlərinin aradan qaldırılmasına xidmət edəcək.

Xəbər lenti

Xəbər lenti