Teymur Şahlamazov mayın 4-də Yunanıstanda başlayacaq idman gimnastikası üzrə Avropa çempionatında çıxış edəcək.
Milli Federasiyanın mətbuat xidmətindən verilən məlumata görə, Egey dənizinin sahilində yerləşən Volos şəhərində keçiriləcək yarışda dünyanın 38 ölkəsindən atletlər iştirak edəcək. Bu yaxınlarda Azərbaycan çempionu adını qazanmış T.Şahlamazov püşkatmanın nəticələrinə görə, ikinci yarımqrupda çıxış edəcək.
Medal uğrunda gərgin mübarizənin gedəcəyi yarışın favoritləri ənənəvi olaraq idmanın bu növündə üstün olan Rusiya, Ukrayna və Almaniya atletləri hesab olunur.