Pedaqoji profilli təhsil müəssisələrinin məzunları işə düzələn zaman rüşvətxorluqla rastlaşdıqda, Təhsil Nazirliyinin "qaynar xətti"nə müraciət edə bilər. Bu barədə Trend ə Nazirlikdən bildirilib.
Nazirlik məzunların və işəgötürənlərin nəzərinə çatdırır ki, işə düzəlmə prosesi könüllülük prinsipi əsasında keçirilməli və istənilən məcburiyyət qanunsuz hesab olunmalıdır. Belə hallar yarandıqda, "Korrupsiya ilə mübarizə haqqında" qanunun həyata keçirilməsilə əlaqədar məzunlar Təhsil Nazirliyində yaradılmış işçi qrupuna müraciət edə bilər.