2006-2007-ci tədris ilində III ixtisas qrupu üzrə qəbul imtahanlarında 31067 abituriyent iştirak edəcək. Bu barədə Trend ə Azərbaycanın Tələbə Qəbulu üzrə Dövlət Komissiyasından məlumat verilib.
Onların 28 018 nəfəri Azərbaycan, 3049 nəfəri isə rus sektoruna ərizə verib. TQDK-dan o da bildirilib ki, 2006-2007-ci tədris ilində Azərbaycanın ali təhsil məktəblərində Azərbaycan sektoruna plan üzrə 4582 yer, rus sektoruna - 946 yer ayrılıb. Birgə yerlərin sayı 1401 təşkil edir. İmtahanların keçirilməsi üçün Bakı və Naxçıvanda 54 bina ayrılıb.
İmtahanlar ölkənin 16 dövlət və 13 özəl müəssisəsinə 69 ixtisas üzrə keçiriləcək.