...

Ədliyyə Nazirliyində yaradılmış İctimai Komitədə təmsil olunmaq istəyən hüquq müdafiəçiləri sənədlərini təqdim ediblər

Cəmiyyət Materials 11 Avqust 2006 12:28 (UTC +04:00)

Trend-i buradan izləyin

Penitensiar sistemə ictimai nəzarətlə əlaqədar Ədliyyə Nazirliyində yaradılmış İctimai Komitədə (İK) təmsil olunmaq istəyən hüquq müdafiəçiləri artıq sənədlərini Komitənin Seçki Komissiyasına təqdim ediblər. Bu barədə Trend ə hüquq müdafiəçisi Çingiz Qənizadə məlumat verib.

Hüquq müdafiəçisinin sözlərinə görə, İK-nin tərkibi sentyabr ayına qədər tam formalaşacaq. Formalaşma prosesi başa çatdıqdan sonra isə İK üzvlərinin ilk toplantısı keçiriləcək və Komitəyə sədr seçiləcək.

İctimai Komitə penitensiar xidmətin təkmilləşdirilməsi, onun şəffaflığının təmin edilməsi məqsədilə yaradılıb. İK Seçki Komissiyasının tərkibi Milli Məclisin deputatlarından, Ali Məhkəmənin, Əfv Komissiyası və Vəkillər Kollegiyasının üzvlərindən, Ombudsman aparatı və QHT nümayəndələrindən, görkəmli ictimai, siyasi, elm və din xadimlərindən, habelə Ədliyyə Nazirliyinin və Baş Prokurorluğun məsul əməkdaşlarından ibarətdir.

İK "Məhkumların islah edilməsində ictimaiyyətin iştirakı və cəzanı icra edən müəssisələrin fəaliyyətinə ictimai nəzarətin həyata keçirilməsi Qaydaları" əsasında fəaliyyət göstərəcək.

Xəbər lenti

Xəbər lenti