Fransa parlamentində qondarma "erməni soyqırımı"nın inkar edilməsinə görə cəza nəzərdə tutan qanunun qəbuluna etiraz olaraq Bakıda din xadimlərinin, inanclı insanların forumu keçiriləcək. Bu barədə Trend ə "Cümə" məscidinin imam camaatı, Dini Etiqad və Vicdan Azadlığını Müdafiə Mərkəzinin (DEVAMM) sədri İlqar İbrahimoğlu məlumat verib.
O bildirib ki, DEVAMM Ramazan bayramından sonra inanclı insanların toplantısını təşkil edəcək. Azərbaycanın inanclı insanları Fransa Milli Assambleyasında (parlament) qondarma "erməni soyqırımı"nı inkar edənlərə qarşı cəza tətbiq edilməsi barədə qanunun qəbuluna etirazlar bildirəcəklər: "Fransa palamentində bu qanunun qəbulu ilə bağlı qərəzli yanaşma davam edəcəksə, biz də Fransa parlamentinin əleyhinə etiraz aksiyalarımızı davam etdirəcəyik"-İ.İbrahimoğlu bildirib.
Qeyd edək ki, dünən - oktyabrın 20-də "Cümə" məscidinin dini icması Fransanın Bakıdakı səfirliyi qarşısında etiraz aksiyası keçirib.
