...

DİN-in Pasport Qeydiyyat İdarəsinin iki nümayəndəsi azərbaycanlıların sənədləri ilə bağlı Sankt-Peterburqa gedəcək

Cəmiyyət Materials 13 Yanvar 2007 12:56 (UTC +04:00)

Gələn həftə Azərbaycan Daxili İşlər Nazirliyinin Pasport Qeydiyyat İdarəsinin iki nəfər nümayəndəsinin Sankt-Peterburqa gedərək burada yaşayan azərbaycanlıların pasport-qeydiyyat məsələləri ilə bağlı müvafiq yoxlamalar aparması gözlənilir. Bu barədə Trend ə Azərbaycanın Sankt-Peterburqdakı konsulu Günəş Rüstəmzadə məlumat verib.

O bildirib ki, Sankt-Peterburqda qeydiyyatsız yaşayan azərbaycanlılar pasport məsələsi ilə bağlı Azərbaycana gedirlər. Azərbaycan DİN-in Pasport Qeydiyyat İdarəsindən bildiriblər ki, gələn nümayəndələr azərbaycanlıların sənədləri ilə tanış olacaq, onların qaydasında olub-olmadığını araşdıracaqlar. G.Rüstəmzadənin sözlərinə görə, ola bilər ki, DİN-nin rəsmi nümayəndələri azərbaycanlıların müvafiq sənədlərini yoxlanması üçün özləri ilə Bakıya aparsınlar.

Konsul əlavə edib ki, bir neçə il bundan əvvəl Moskvada Azərbaycan səfirliyində belə bir təcrübə var idi. Lakin sonradan bu tədbir ləğv olundu. Konsulun sözlərinə görə, DİN nümayəndələrinin Sankt-Peterburqa gəlməsi ilə bağlı hələ ki, Baş Konsulluğa rəsmi məktub daxil olmayıb.

Xəbər lenti

Xəbər lenti