Yanvar ayının 20-də İsveçin Malmö şəhərində fəaliyyət göstərən "Xəzər" Cəmiyyəti qanlı yanvar hadisələrinin 17-ci ildönümü ilə əlaqədar anım mərasimi keçirəcək. Bu barədə Trend ə "Xəzər" Cəmiyyətindən məlumat verilib.
1990-cı il yanvarın 20-də Bakıda Sovet ordusu tərəfindən törədilmiş qətliamın qurbanlarının xatirəsi yad ediləcək. Mərasimdə qanlı yanvar gecəsinin şahidi olan və bu hadisəni şəxsi kamerasında videolentə alan şəxslər çıxış edəcək, videolentlər nümayiş olunacaq.