Azərbaycan, Şəki / Trend müxbir E.Quliyev/ Azərbaycanın böyük turizm potensialı var və bu potensialın dünyaya çatdırılması üçün gələn il Almaniyada Azərbaycanın turizm sərgisi keçiriləcək. Bu bəyanatla Almaniyanın Mayns şəhər Bələdiyyəsinin başçısı Yens Vöytel Şəkidə səfərdə olarkən çıxış edib. Onun sözlərinə görə, Azərbaycanda, o cümlədən Şəkidə turizmin inkişafı üçün Almaniya bir sıra layihələr hazırlayıb.
Vöytel onunla bərabər Şəkiyə gələn nümayəndə heyətinin tərkibindəki işçi qrupun həm Almaniyada, həm də Azərbaycanda ticarət sahəsində yeni işlər görəcəyini nəzərə çatdırıb.
Almanıyalı qonaqlar səfər çərçivəsində Şəkinin tarixi və mədəni abidələri ilə tanış olublar, o cümlədən qədim memarlıq abidəsi olan Şəki Xan Sarayına baş çəkiblər.
Şəki paytaxt Bakıdan 360 kilometr şimal-qərbdə yerləşir.