Azərbaycan, Bakı, 7 iyun /müx.TrendLife Eldar Hüseynzadə/Hazırda Faiq Ağayevin yeni albomu üzərində iş gedir. Bu haqda TrendLife-a müğənninin mətbuat katibi Fuad Həsənov xəbər verib.
Yeni albom "F.AetirA.F" adlanır. "Fikirləşməyin ki, alboma ancaq konsertdə səslənən mahnılar daxildir. Yeni alboma həm də yeni mahnılar daxildir"-deyə Fuad Həsənov bildirdi.
Maraqlısı budur ki, disk İngiltərədə hazırlanacaq. Hansı şirkət tərəfindən? Bu barədə hələlik bizə heç nə demədilər. Çox maraqlıdır ki, bu vaxta qədər "Cənab Qızıl Şlyaqer" öz disklərini Azərbaycanda və Türkiyədə çıxarıb.