Azərbaycan, Bakı, 9 iyul /müx. "TrendLife" Eldar Hüseynzadə/ Teatrda yaxşı rəssam tamaşanın uğurlu alınmasında əsas amillərdən biridir. Bəs gənc rəssamlarla bağlı hazırda vəziyyət necədir? Məhz bu sualla "TrendLife" Musiqili Komediya Teatrının baş rəssamı İsmayıl Məmmədova müraciət etdi. "Cavan rəssamlar Gənc Tamaşaçılar Teatrında çalışırlar. Musiqili Komediya Teatrında isə mən və mənim həmyaşıdım Eldar Qurbanov işləyirik. Azərbaycan Dövlət Dram Teatrında isə Tahir Tahirov, Nazim Bəykişiyev, Rafiq İsmayılov çalışır. Gördüyünüz kimi, hələ cavanlar çox azdır. Bəlkə zəmanədəndir, ya da teatrda az pul verlidiyi üçün gənclər bura çox meyl etmirlər. İncəsənət Akademiyasında teatr fakültəsi olsa da, həmin fakültənin məzunları heç də teatra gəlməyə tələsmirlər. Lakin teatrların onlara ehtiyacı var. Biz axı daimi deyilik. Bundan sonra on il də işlədik, bəs sonra?" - deyə Məmmədov sualımızı narahatlıqla cavablandırdı.
...