Azərbaycan, Bakı / Trend , müxbir E.Hüseynli/ Avqustun ilk günü Azərbaycanda havanın temperaturunun 40 dərəcə olacağı proqnozlaşdırılıb. Bu barədə bazar ertəsi Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin hidrometeoroloji proqnozlar bürosunun direktoru İmran Məmmədov məlumat verib. Onun sözlərinə görə, bu gündən başlanan isti hava kütləsi bir neçə gün davam edəcək. Hesabat dövründə yağmursuz hava şəraiti hökm sürəcək. Məmmədov yaxın bir neçə gün davam edəcək isti hava şəraitinin normadan bir neçə dərəcə yüksək olacağını deyib.
Azərbaycanda iyul ayı havanın temperaturu aylıq normadan aşağı olub.