Azərbaycan, Bakı / Trend müxbir S.İlhamqızı/ Bakı şəhərində uçan bina tikinti normativlərinə uyğun gəlmir. Bu barədə seysmoloq Elçin Xəlilov şərh verib.
Çərşənbə günü Bakı şəhəri Məmməd Naxçıvani küçəsi 25 ünvanında bina uçub.
Hadisə yerində olan seymoloq Xəlilov qeyd edib ki, həmin binanın tikilişi zamanı texniki normativlərə əməl edilməyib: "Aydınır ki, bina dağılıbsa, deməli, düzgün tikilməyib. Tikinti zamanı nöqsanlara yol verilib" - deyə Xəlilov bildirib.
O, əlavə edib ki, binanın dağılması ilə əlaqədar xüsusi komissiya yaradılacaq və hadisəyə dair rəyini verəcək.