Azərbaycan, Bakı, 29 aprel /Trend müxbir E.Mehdiyev/
Azərbaycanı 2012-2013 il mövsümündə avrokuboklarda təmsil edəcək ikinci komandası məlum olub.
Trend-in məlumatına görə, bu paytaxtın "Bakı" klubudur. "Neftçi" çempionluğu təmin etdiyi üçün "Bakı" Azərbaycan kubokunun final oyununa vəsiqə qazanmaqla bu şansı əldə edib.
Qeyd edək ki, Azərbaycanı avropa kuboklarında 4 komanda təmsil edəcək. "Neftçi" çempion olduğu üçün Azərbaycanı Çempionlar Liqasında "Neftçi" təmsil edəcək.
3-cü və 4-cü komanda isə Unibank Premyer liqaslnda ikinci və üçüncü yeri tutanlar olacaq.