Azərbaycan, Bakı, 21 iyun /Trend, müxbir M.Əliyev/
Azərbaycan Beynəlxalq Bankı (ABB) uşaqlar arasında beynəlxalq futbol turniri keçirəcək. Trend-in məlumatına görə, bankın mətbuat xidmətindən bildiriblər ki, turnir iyunun 25-dən 30-dək Mərdəkandakı "Dalğa Arena"-da keçiriləcək.
Yarışda 8 ölkədən 13-14 yaşlılardan ibarət peşəkar klublar iştirak edəcək. Yarışda Azərbaycanı "İnter" komandası təmsil edəcək. Turnirin digər iştirakçıları "Rubin" (Rusiya), "Karpatı" (Ukraina), "Kotkas" (Estoniya), "Samsunspor" (Türkiyə), "Dinamo Tbilisi" (Gürcüstan), "Slaviya" (Bolqarıstan) və "Brommapojkarna" (İsveç) iştirak edəcəklər.
Futbol yarışı AFFA və Bakı Futbol Federasiyasının təşkilatçılığı, "İnter" futbol klubunun dəstəyi və Azərbaycan Beynəlxalq Bankının sponsorluğu ilə keçiriləcək. Bu il turniri 8 komandanın iştirakı ilə keçirilməsinə baxmayaraq, yarışa olan böyük marağə nəzərə alaraq turniri hər il və daha çox klubun iştirakı ilə keçirilməsi planlaşdırılır.