Azərbaycan, Bakı, 13 oktyabr /Trend, müxbir M.Əliyev/
FIFA futbol üzrə DÇ 2014-ün seçmə mərhələsi çərçivəsində Lüksemburqa öz mərkəzi stadionunda ev oyunlarını keçirmək qadağası qoyub.
Trend-in Rusiya KİV-lərə istinadən verdiyi məlumata görə, Lüksemburq Futbol Assosiasiyasının qarşısında FIFA-nın tələblərini yerinə yetirmək tələbi qoyulub. Tələbə əsasən, Lüksemburqun mərkəzi stadionunun ən azından bir mərkəzi tribunasının üstü örtülməlidir.
Qeyd edək ki, DÇ 2014-ün seçmə mərhələsinin F qrupunda mübarizə aparan Lüksemburq növbəti ev oyununu 2013-cü il martın 22-də məhz Azərbaycan millisinə qarşı keçirəcək. Yaxın aylarda FIFA-nın tələbi yerinə yetirilməyəcəyi təqdirdə, Lüksemburq Azərbaycan millisi ilə oyun üçün alternativ arena seçməlidir.