Azərbaycan, Bakı, 4 dekabr / Trend /
Hollandiyada futbol üzrə yeniyetmələrdən ibarət komandaların ölkə çempionatında 41 yaşlı hakim oyunçular tərəfindən döyülərək öldürülüb.
Trend-in məlumatına görə, Avropa KİV-ləri bildirir ki, yan hakim Riçard Novexuyzeni Amsterdamın "Noyv Sloten" klubunun futbolçuları döyüb. Hakim huşunu itirib və çatdırıldığı xəstəxanada ölüb.
Novexuyzeni döyməkdə təqsirli bilinən 15-16 yaşlı üç futbolçu polis tərəfindən saxlanılıb.