Azərbaycan, Bakı, 20 dekabr /Trend/
İngiltərənin "Mançester Yunayted" futbol klubunun baş məşqçisi Aleks Ferqyusson Xosep Qvardiolanın iş planlarından xəbərdar olduğunu deyib.
Trend-in xarici KİV-ə istinadən verdiyi məlumata görə, şotlandiyalı mütəxəssis bildirib ki, bu yaxınlarda "Barselona"nın sabiq baş məşqçisi Qvardiola ilə əlaqə saxlayıb.
"O, hələ ki işə qayıtmağı planlaşdırmır. Qvardiolanın hansı kluba keçəcəyi barədə mülahizə yürütməyi məsləhət görmürəm. Bununla belə, Qvardiolanın qazandığı uğurlar diqqətəlayiqdir", - Ferqyusson qeyd edib.