Azərbaycan, Bakı, 27 iyun /Trend, müxbir E.Tanrıverdiyev/
İngiltərənin "Liverpul" və "Totenhem" klubları "Aston Villa"nın hücumçusu Kristian Bentekenin xidmətlərində maraqlıdırlar. Bu barədə Trend "Goal.com" saytına istinadən xəbər yayıb.
Hər iki klub artıq 22 yaşlı hücumçunun keçidi ilə bağlı "Astin Villa"ya müraciət edib.
Xatırladaq ki, Benteke ötən mövsüm İngiltərə çempionatında 34 oyunda meydana çıxıb və 19 dəfə fərqlənə bilib.