Azərbaycan, Bakı, 16 iyul /Trend, müxbir E.Tanrıverdiyev/
İspaniyanın "Sevilya" klubunun hücumçusu Alvaro Neqredo növbəti mövsümdən etibarən İngiltərənin "Mançester Siti" klubunun heyətində çıxış edəcək. Bu barədə Trend Rusiya KİV-ə istinadən məlumat verir.
Futbolçunun transferinə görə İngiltərə klubu 25 milyon avro ödəyəcək. Bundan əlavə, İspaniya təmsilçisi bonus olaraq 3 milyon avro da əldə edə bilər.
Ötən mövsüm 27 yaşlı Neqredo İspaniya çempionatında 36 oyunda meydana çıxıb, 25 dəfə fərqlənib.