Azərbaycan, Bakı, 3 may /Trend/
Mayın 3-də İqtisadiyyat və Sənaye Nazirliyinin Birləşmiş Həmkarlar İttifaqı Komitəsinin təşkilatçılığı ilə 15 iyun - Milli Qurtuluş Gününə həsr olunmuş keçici kubok uğrunda mini-futbol çempionatına start verilmişdir.
Nazirliyin mətbuat xidmətindən Trend-ə verilən məlumata görə, turnirdə İqtisadiyyat və Sənaye Nazirliyi aparatının, strukturuna daxil olan və tabeliyindəki qurumların 13 komandası iştirak edir.
Çempionata iyunun 14-də yekun vurulacaq. Qaliblərə İqtisadiyyat və Sənaye Nazirliyinin Birləşmiş Həmkarlar İttifaqı Komitəsinin keçici kuboku, Fəxri Fərman və hədiyyələr təqdim ediləcəkdir.