Azərbaycan, Bakı, 27 avqust /Trend/
Rusiya - Azərbaycan oyununun hakimləri məlum olub.
Trend AFFA-nın rəsmi saytına istinadən məlumat verir ki, Rusiya - Azərbaycan yoldaşlıq oyununu özbəkistanlı FIFA referisi Rövşən İrmatov idarə edəcək.
Onun köməkçiləri həmyerliləri Abduhamidullo Rəsulov və Əlişer Usmanov olacaq.
Qeyd edək ki, oyun sentyabrın 3-də, yerli vaxtla saat 19:00-da (Bakı vaxtı ilə 20:00), Moskva şəhərindəki "Ximki Arena"da keçiriləcək.