Azərbaycan, Bakı, 24 mart /Trend/
Niderlandın Alsmer şəhərində yekunlaşan "Flower Cup 2015" adlı beynəlxalq yarışın nəticələrinə əsasən Azərbaycan batutçuları Oleq Piunov və İlya Qrişunin 10 ən yaxşı gimnastların sırasına daxil oldular. Bu barədə Trend Azərbaycan Gimnastika Federasiyasına istinadən məlumat verib.
Məlumata görə, Qrişunin 6-cı, onun komanda yoldaşı Piunov isə 8-ci yerdə qərarlaşdı. Bu kateqoriyada ümumi 42 iştirakçı mübarizə aparırdı. Havada uçuş müddətinə görə hakimlərdən ən yüksək xal alan Oleq Piunov yarışın xüsusi mükafatına layiq görüldü.
...