Azərbaycan, Bakı, 10 aprel /Trend/
Səudiyyə Ərəbistanının Futbol Federasiyası argentinalı məşqçi Marselo Bielsaya iri məbləğdə maaş təklif edib.
Trend-in "Hürriyyət" qəzetinə istinadən verdiyi məlumata əsasən, M.Bielsa Səudiyyə Ərəbistanı millisini çalışdırmağa razı olsa, 8 ildə 80 milyon avro qazanacaq.
Argentinalı mütəxəssis hazırda Fransanın "Marsel" komandasının baş məşqçisidir. Məlumata əsasən, 59 yaşlı məşqçi ərəblərin təklifini qəbul edib. Mövsüm başa çatdıqdan sonra o, vəzifəsinin icrasına başlayacaq.