...

Sxadadze: "Gözəl trillerin şahidi olduq"

İdman Materials 8 May 2015 23:22 (UTC +04:00)
Bunu "İnter"in baş məşqçisi Kaxabar Sxadadze Premyer Liqanın 33-cü turunda keçirilən "İnter" - "Neftçi" oyunundan (4:0) sonra deyib
Sxadadze: "Gözəl trillerin şahidi olduq"

Azərbaycan, Bakı, 8 may /Trend/

"Gözəl trillerin şahidi olduq". Trend-in PFL-ə istinadən verdiyi məlumata görə, bunu "İnter"in baş məşqçisi Kaxabar Sxadadze Premyer Liqanın 33-cü turunda keçirilən "İnter" - "Neftçi" oyunundan (4:0) sonra deyib.

O, qeyd edib: "Hamımız gözəl trillerin şahidi olduq. Oyunda hər şey var idi: gözəl qollar, penalti, qırmızı vərəqələr. Qırmızı vərəqə aldığımız epizoda kimi komanda çox gözəl, ağıllı oynayırdı. Qırmızı vərəqədən sonra artıq bir az ehtiyatlı oynadıq, daha çox əks-hücumlara bel bağladıq. Hamı bilir ki, komandanın vəziyyəti necədir. Mən oyundan qabaq futbolçularımla söhbət etmişəm. Onlar peşəkardırlar. Biz ölkə üçün, ailəmiz üçün çalışmalıyıq. İndiki durum məndə anlaşılmaz hisslər yaradır. Bilmirəm sevinim, ya kədərlənim. Ümidvaram, vəziyyət yaxşılığa doğru dəyişəcək".

"Neftçi"nin baş məşqçisi Arif Əsədov isə deyib: "Son vaxtlar heyətlə bağlı problemlərimiz var idi. Biz məcbur olduq ki, gənc futbolçularımıza güvənək. Digər problem çempionata motivasiyanın da olmamasıdır. Futbolçuların əsas diqqəti kuboka yönəlib. Hazırda məqsədimiz zədələrdən qurtulmaq və kuboka yaxşı hazırlaşmaqdır. Finalda tam başqa "Neftçi"ni görəcəksiniz. Qaldı ki, azarkeşlərin etirazına, onları başa düşürəm. Belə hallara İspaniya, İngiltərə kimi ölkələrdə də rast gəlinir. Amma vaxt keçdikcə istefaya səsləyənlər bizi alqışlayacaqlar. Mən komandama inanıram. Düşünürəm ki, problemləri aradan qaldırıb, kubokda istədiyimiz nəticəni qazanacağıq".

Xəbər lenti

Xəbər lenti