Azərbaycan, Bakı, 11 iyun /Trend/
Avropa Parlamenti FIFA prezidenti Yozef Blatteri səlahiyyətlərini onları müvəqqəti icra edəcək şəxsə həvalə etməklə vəzifəsini dərhal tərk etməyə çağırıb. Trend-in TASS-a istinadən verdiyi məlumata əsasən, bu barədə AFP agentliyi xəbər yayıb.
Bu gün parlametin Strasburqda keçirilən sessiyasında müvafiq qətnamənin lehinə səs verilib.
Ötən gün qətnamə layihəsi bütün Avropa Parlamenti fraksiyaları tərəfindən imzalanıb, bu gün isə assambleya tərəfindən təsdiqlənib.
Qətnamədə FIFA rəhbərinin vəzifələrini icra edən şəxsin təyini barədə təklif və 2018 və 2022-ci illərdə dünya çempionatının keçirilməsi ilə bağlı ərizələri araşdırmaq məsələləri yer alır.