Azərbaycan, Bakı, 17 iyun /Trend/
Qazaxıstanın Şimkənd şəhərində təşkil olunmuş UEFA-nın inkişaf turnirində iştirak edən 19 yaşadək qızlardan ibarət Azərbaycan yığması ikinci oyununu keçirib.
Trend AFFA-nın saytına istinadən məlumat verir ki, Estoniya yığması ilə görüşdə komandamız 3:0 hesablı qələbə qazanıb. Yığmamızın heyətində Yaiza Reala, Nigar Cəlilli və Kristina Bakarandze fərqləniblər.
Xatırladaq ki, yığmamız turnirin ilk oyununda Qazaxıstan komandası üzərində 2:0 hesablı qələbə qazanmışdı.