Azərbaycan, Bakı, 10 sentyabr /Trend/
Futbolla məşğul olan şəxslərin - futbolçuların, məşqçilərin və digər texniki işçilərin - qeydiyyat sistemində qeydiyyata alınanların sayı 85 min nəfərə çatıb.
Trend AFFA-nın saytına istinadən məlumat verir ki, Azərbaycan futbol ailəsinin qeydiyyatdan keçən 85000-ci üzvü AFFA-nın U-12 Liqasının iştirakçısı, "Neftçi" PFK-nın üzvü, 9 sentyabr 2004-cü il təvəllüdlü Elcan Rəşid oğlu Əbilovdur.
Qeyd edək ki, bu qeydiyyat sistemi AFFA tərəfindən 2009-cu ilin yanvar ayından yaradılıb.
