Bakı. Trend:
Bu gün Premyer Liqanın 26-cı turunun oyunları başa çatıb.
Trend-in məlumatına görə, son oyun günündə "Zirə" AZAL-ı qəbul edib.
Oyuna meydan sahibləri fəal başlayıblar - 9-cu dəqiqədə Rəşad Abdullayev fərqlənib. 32-ci dəqiqədə Aydın Qasımov hesaba tarazlıq gətirib.
İkinci hissədə zirəlilər Elvin Məmmədovun qolu ilə önə keçiblər. Lakin "təyyarəçilər" yenə də hesabı bərabərləşdiriblər - Ruslan Nəsirli rəqib qapısına yol tapıb. Matçın son 10 dəqiqəsində "Zirə" futbolçularının 2 qoluna isə AZAL-dan cavab gəlməyib - 4:2.
Beləliklə, "Zirə" 26 oyundan 50 xalla ikinci, AZAL isə 33 xalla altıncıdır.
Turun digər oyunlarının nəticələri:
"Rəvan" - "Sumqayıt" 1:2
"Qəbələ" - "Qarabağ" 1:2
"Neftçi" - "Kəpəz" 2:3
"Xəzər Lənkəran" - "İnter" 0:1