Bakı. Trend:
Stolüstü tennis üzrə veteranların turniri keçirilib.
"Şüa" İdman Sağlamlıq Mərkəzində Azərbaycan Stolüstü Tennis Federasiyasının təşkilatçılığı ilə veteranların turniri təşkil olunub.
Federasiyadan Trend-ə verilən məlumata görə, turnirdə 50-yə yaxın veteran iştirak edib. Qadınlar arasında Xəyalə Qiyasova I, Sevinc Abbasova II, Məxluqə Nəsirova isə III yerə layiq görülüblər.
Kişilər arasında 40-49 yaş qrupu üzrə Yevgeniy Talalayko I, Mehman Səmədov II, Vaqif Məmmədov III yeri tutublar. 50-59 yaş yaş qrupu üzrə İlham Ağayev I, Valeh Musayev II, Əsgərqulu Heydərli III yerə layiq görülüblər. 60 və yuxarı yaş qrupu üzrə isə Tahir Xudiyev I, Niyaz Hüseynov II, Səxavət Heydərov IIII yeri tutublar.