...

Azərbaycan birinciliyi başa çatdı (FOTO)

İdman Materials 23 İyun 2017 13:41
İsmayıllıda velosiped idmanının şose növü üzrə yeniyetmə və gənclər arasında Azərbaycan birinciliyinə yekun vurulub.
Azərbaycan birinciliyi başa çatdı (FOTO)

Trend-i buradan izləyin

Bakı. Trend:

İsmayıllıda velosiped idmanının şose növü üzrə yeniyetmə və gənclər arasında Azərbaycan birinciliyinə yekun vurulub.

Azərbaycan Velosiped İdmanı Federasiyasından Trend-ə verilən məlumata görə, Gənclər və İdman Nazirliyi ilə birgə təşkil edilən və 100-ə yaxın idmançının iştirak etdiyi yarışın sonuncu günündə gənclər arasında qrup ötüşməsi üzrə qaliblər müəyyənləşib.

Güclü yağış altında mübarizə aparan velosipedçilər 90 km məsafə qət ediblər. Finişi hamıdan tez Respublika Olimpiya Ehtiyatları İxtisaslaşdırılmış Velosiped məktəbinin nümayəndəsi İvan Orlov keçib. 8 saylı Olimpiya Məktəbinin üzvləri Mikayıl Səfərli və Xankişi İsgəndərov isə 2-3-cü yerləri tutublar.

Gənclər - 90 km

1. İvan Orlov (OEQİUVM) - 02:34:39
2. Mikayıl Səfərli (8OEQİUVM) - 02:34:41
3. Xankişi İsgəndərov (8OEQİUVM) - 02:34:42

Qaliblərin mükafatlandırılma mərasimi İsmayıllı Olimpiya İdman Kompleksində baş tutub. Fərqlənən idmançılara medal və diplom, 1-ci yerin sahiblərinə isə xüsusi çempion köynəyi hədiyyə edilib.

Qeyd edək ki, Azərbaycan birinciliyinin nəticələri Beynəlxalq Velosipedçilər İttifaqına (UCI) da göndəriləcək və idmançıların reytinq cədvəlində öz əksini tapacaq.

Məqalədə:
Xəbər lenti

Xəbər lenti