...

Formula 1 zamanı evlilk təklifi

İdman Materials 23 İyun 2017 15:13
Bakıda keçirilən Formula 1 yarışı zamanı maraqlı hadisə qeydə alınıb
Formula 1 zamanı evlilk təklifi

Trend-i buradan izləyin

Bakı. Vüqar İmanov - Trend:

Bakıda keçirilən Formula 1 yarışı zamanı maraqlı hadisə qeydə alınıb.

Trend-in məlumatına görə, britaniyalı turist Qrem Barker sevgilisi Viktoriya Uilyamsa evlilik təklif edib.

O, öz təklifini britaniyalı pilot Lüis Hemiltonun bolidi qarşısında səsləndirib.

Qeyd edək ki, iyunun 23-də Bakıda dünyanın ən nüfuzlu idman yarışlarından olan Formula 1 dünya çempionatının 8-ci mərhələsi – Azərbaycan Qran-Prisinə start verilib.

Azərbaycan paytaxtında artıq ikinci dəfədir keçirilən Formula 1 yarışında bu gün pilotlar birinci və ikinci sərbəst yürüşlərə çıxır. İyunun 24-də üçüncü sərbəst yürüşdən sonra sıralanma turu başlayacaq, yekunda pilotların düzülüşü müəyyənləşəcək. Nəhayət, iyunun 25-də Formula 1 – Azərbaycan Qran Prisinin qalibi məlum olacaq.

Formula 1 bolidlərinin hərəkət etməsi üçün hazırlanan xüsusi yolun – Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə, bolidlər 51 dövrə (120 dəqiqə) vurmalıdırlar.

Məqalədə:
Xəbər lenti

Xəbər lenti